h = 60 ; la = 103

Inscription : SACENT TOUT KE MAISTRE BIERNARS DOUSART JADIS CANONNES DEL EGLISE NOSTRE/DAME DE CAMBRAI ALAIET POUR FAIRE SON OBIT EN LE GLISE DE CHEENS ATOUSJOURS/PERPETUEMENT EN LE MANIERE KE CHI APRIES SENSUIT CHE EST KE LI PRIESTRES ET/LI CLERS DE CESTE EGLISE ARONT CASCUNS PAR AN ATOIS JOURS LII L DE TOUR NOIS/APRENDRE SOUR UNE MAISON XIIIJ MENCAUDEES DE PRE ET XLV MENCAUDEES DE TERRE/OU LA EN VIRON KI ALLEURS SONT DEVISEES V L COMBIEN PAR PIECHES L ESCRITES OU VILLE/DE CHEENS ET PARMI CHE LI PRIESTRES ET LI CLERS SONT TENUT ATOUS JOURS EN CASCUN/SEMAINE FAIRE I OBIT EN CESTE EGLISE PAR AUS V PAR AUTRUI POUR LAME DOU DIT MAISTRE/BERNART ET POUR SES ANCISSEURS NONCHIER DOIT LI PRESTRES ASON VENTALLE/LEIOUR CONFERA LOBIT LE DIMENCHE PAR DEVANT LI CLERS DOIT LE VESPREE PAR DEVANT/SONNER LES CLOKES DOIVENT LI PRESTRES ET LI CLERS ACHELY VESPREE DIRE LOR VIGILLES/A IX LICHONS LENDEMAIN PAR DEVANT LE MESSE OU CANCHIEL DIRE LE COMENDISE MESSE/DE REQUIEM APRIES ET DE TOUT CHOU SIL DE FALOIENT DOU DIT OBIT QUIL NE FU FAIS ENSI/COM DIT EST IL SEROIENT TENUT EN XII D POUR LE IOURNEE CASCUNS ENSE PARTIE QUI/SONT APLIKIET AS POURES DOUSART APARTIR PAR LE KEMUN DE LE VILE/CHE FU FAIT LAN DE GRASSE M CCC L XXI AU JOU SAINT MARTIN EN YVIER.